العودة   قبيلة العرماني > مجالس عرمان العامة > مجلس الأدب ( شعر ، نثر ، قصص )
 

مجلس الأدب ( شعر ، نثر ، قصص ) كافة أنواع الشعر - الألغاز الشعرية - النثر - القصص

« آخـــر الـــمــواضيـع »
         :: كيفية أخذ شهادة حاسب 6 شهور معتمده (آخر رد :غَدَاة)       :: كورس المحاسبة لغير المحاسبين (آخر رد :غَدَاة)       :: برامج الرسم والتصميم بالحاسب الالي وأقوى الكورسات في 2021 (آخر رد :غَدَاة)       :: كيف تصبح مدرب محترف في 15 يوم (آخر رد :غَدَاة)       :: دورة حاسب وادخال بيانات ومعالجة نصوص بالانجليزي - للرجال فقط (آخر رد :غَدَاة)       :: خطوات تأهيل الشباب لسوق العمل في السعودية (آخر رد :غَدَاة)       :: قبيلة العرماني في المملكة العربية السعودية (آخر رد :زهرة التوليب)       :: أحاديث في فضل يوم الجمعة (آخر رد :غَدَاة)       :: توقعات اليورو دولار 20/11/2020 (آخر رد :غَدَاة)       :: اسعار الذهب لهذا اليوم 2020-11-20 (آخر رد :غَدَاة)      

إضافة رد
 
 
LinkBack أدوات الموضوع انواع عرض الموضوع
قديم 03-23-2012, 10:05 AM   #1 (permalink)
«ღ»كيمو الحنين «ღ»
عضو ذهبي
اللهم ارزقنا حسن الخاتمه


الصورة الرمزية «ღ»كيمو الحنين «ღ»
«ღ»كيمو الحنين «ღ» غير متواجد حالياً

بيانات اضافيه [ + ]
 رقم العضوية : 3295
 تاريخ التسجيل :  Feb 2012
 أخر زيارة : 03-07-2018 (11:27 PM)
 المشاركات : 1,163 [ + ]
 التقييم :  12
 الدولهـ
Saudi Arabia
Ic7 أشعار فهد المساعد












# اسمه الكامل : .. فهد بن فالح بن مساعد السبيعي...
# ولد في الرمحيه.. التابعه لمدينه الرماح
# اشتهر بقصيده المدينه والغريب في بيته االشهير...


( جا يشوف الحال كيفه ؟ بعد ماهزه حنينه وقبل سألني .. سألته "كيف حالك يالحبيب.."
قال "انا كني غريب ضيع دروب المدينه " قلت "انا كني مدينه تتنتظر رجعه غريب".. )



# تأثر بشكل كبير بالشاعر متعب التركي
# اما بالنسبه لحياته الشخصيه : فهو اعزب ,, ساكن في مدينه الرياض ,, موظف بشركه الاتصالات......


نزل له مؤخرا ديوان صوتي الذي طال انتظاره طويلا ... وكان بالفعل يستحق هذا الانتظار فخرج لنا بشريط اكثر من رائع..
ضم هذا الشريط اجمل واعذب القصائد الشاعر فهد المساعد منها:

خلاص , المدينه والغريب ( عنوان الشريط) , صالات المطار , لاتسافر , المراسيل، الدلوعه, سالفه العشاق , انت زعلان , رساله, هديه عيد ميلادك , اعز الناس , نديم الجرح, ثلاث سنين, كبوه جواد, اللي تركني , الناس , التوبه, يبه ,,,,,,,




اول القصائد:

جيت في ليله وادعه


جيت في ليلة وداعـــة تــايــة بين البيوت

صحت وينك جيت اودع عمري الي فيك ضاع

ماسمعت الا صدى صوتة وكان ارق صوت

ينطق اسمي ثم يهمس.. من متى انا احتريك..؟

قلت وهمومي تغافل زفرة الحزن وتفوت

"هذا انا جيتك ليت الموت جاني قبل اجيك .."

يعدها يادوب عدت عبرتة حد السكوت

قال وعيونة تغارق دمع .."بسم الله عليك .."

قلت:.. يابن الناس عادي مورى هالموت موت

وش وراها لافقدت عيونك ولمسة يديك







ياصــــــــــاحـــــبي
ياصاحبي بالله خل التغلي ............ وقت التغلي والدلع ذاك ولى

ماعاد معنا وقت تربط واحلّي ......... دامه عدو الحب بالصوت علّى

خذها صريحه .. حط نفسك محلّي ........... ادمح لك الزلاّت قدر وتغلّى ؟

ولّي حياةٍ جابت الذل ولّي ................. لابو حياةٍ صرت فيها تسلى

قولوله اني بنسحب منه كلّي ................ خلوه يدري ( من تغلّى يخلّى )








اخــــــــــــت القــــــــصايد



لعنبوا بعض القصايد كان مافيها حلا

ماتروح الا وتترك للحنايا جلجله


تبتدي مثل المزون اللي تسولف للكلا

ولاخذت قامت ترزّم مثل شهبٌ منزله


فوق صدر الشاعر اللي عن طواريقه جلا

لين شاف اخت القصايد بالقصايد مقبله


ياهلا بـ اخت القصايد كثر شوقي ياهلا

اقلطي بين الحنايا وافهقي جمر الوله


كل ضلعٍ من ضلوعي حافظٍ درس الولا

مثل حفظك للعفاف وللشرف يامدهله


سولفي كذا السوالف تنسمع والا فلا

وان بغيتيني اسولف .. اسأليني اسئله


اسأليني وابتديها .. بالنهار اللي تلا ..

ليلة ان الجرح يقرا فـ الضلوع البسمله


واسأليني عن زماااني كم شرب فيّ وكلا

انتهي من مشكله والقى وراها مشكله


المشاكل بهذلتني في غيابك ... والبلا ...

مالقيت اللي احط السر عنده وازهله


كل مااسمع - كيف حالك؟؟ - ينقبض جفني على ..

دمعةٍ تبغى تقول الحال دمع ومهزله


وابلع العبره واقول : بخير والهم انجلا

وآخر الهرج آتلعثم فيه وانقض أوله


ليه غبتي .. ليه غبتي وانتي اللي ماملا ..

عيني الا همس صوتك في زمان البلبله


يااااااه شفتي وين راح البال بالشعر وسلا ؟؟!!

قمت اعااتب فيك وانتي فـ الضلوع مدلـله


لـنّي ماصدّقت نرجع للقصايد والغلا

بعد ذاك اليوم يوم اجنبت وانتي مشمله


اييييه ماصدّقت لكن ياعساني ماخلا ..

اقلطي بين الحنايا وافهقي جمر الوله




صــــديــــــق الـطفــــــولـــــــه

رثاء في الأمير الشاعر طلال الرشيد.


فقيد الرجوله وين حطت بك الأقدام؟
انا ما تخيلتك تزور اللحد قبلي

عقيد الطنايا شيخ شمّر ذرى المنضام
حفيد الجنازه بلوة اللي بلا المبلي

عقيدٍ لقومك.. بس تبكي عليك أقوام
من الساحل الشرقي الى الساحل القبلي

أنا لا ذكرتك طاح راسي على الأكمام
اسولف لقلبي عنك.. وأبكي على مهلي

أسولف عن أول مرةٍ جيت قبل العام
و شفتك بعيني مثل ما كنت في عقلي

امير و عظيم و شاعر و فارس و مقدام
سجلّ البياض اللي بنقش الذهب مطلي

سنافي شهم فزاع .. لا قام يعني قام
يغيث الضعوف .. ولا يقول الوبل وبلي

طلال .. الشهامه نكّست عقبك الأعلام
الا من قتل خيّال وش نفعة الرجلي؟

طلال .. الأوادم كلها من لحم و عظام
تعيش و تموت بصمت تالي ورى متلي

عداك انت يا من عشت عمرك عظيم اشمام
وقفت فـ مماتك تنتخي: (من نوى قتلي؟)

رحيلك بنى للحزن وسط القلوب خيام
و وداعك جعل كف الثرى بالدمع مملي

عسى من لبست لخشيته فـ رمضان إحرام
و دعيته ( يا رب اكرم نهار الحشر نزلي )

يعوّضك عن دنيا بها حاسد و نمّام
و يرفع مقامك عن مقام البرى السفلي




يـــــــــاغـــــــــــــ ـــايــــبــه

اخر قصيده نزلت له في مجله فواصل

يـا غايبـه وان كـان فيهـا جمالـه تجمّلـي يـا امّ الحـلا والظفـايـر

يالله شوفـي صاحبـك كيـف حالـه شوفيه في غيبتـك وشلـون صايـر
صارت حياته ضيق خلق .. وبطالـه هم.. وسهر .. واوراق شعر و زقاير

يعني حبيبـك صـار حالتـه حالـه ماباقـي إلا انّـه يــدنّ العبـايـر
الله لامنّـه ذكــر مــا مضـالـه قبـل الدوايـر مـا تجـرّ الدوايـر

يـوم الطفولـه والشقـا والجهـالـه يوم الكبايـر فـي عيونـه صغايـر
ايـام كـان معـانَـدَه راس مـالـه و يسـوق لهبـال الشقـاوه بشايـر

ياما امتلـى بالحـب والطيـش بالـه وياما امتلت من شخبطتـه العوايـر
يكتـب عليها عااااشـقـك للثمـالـه ويخـط توقيعـه جريـح الضمايـر
ياما اشتكاه ابـوك فـي بيـت خالـه وياما تحصّل مـن هـواك العزايـر

مـرّه حلـف بانّـه يبطّـل هبـالـه وقبـل يكمّل..فـكّ اخـوه الستايـر
ثـم طالـع الشبـاك ..لينـك قبالـه وف اقل من لمح البصر جاك طايـر

علـى صغـر سنّـه مميّـل عقالـه كاشخ وناسـي لا يصـكّ الزرايـر
لا شافـك يتمتـم لحالـه بحـالـه: لعيـون هالشوفـه تهـون الخسايـر

ولا شاف زول ابوك.. حذّف نعالـه الحب جاير .. لكـن العـود جايـر
طفلٍ يتيـم ورغـم الاحـزان دالـه ما يدري ان حظه مع الوقـت بايـر

كنتي طموحه.. كنتي اغلـى حلالـه كنتي وصرتي.. بس يـا ام الظفايـر
طفلٍ زرع من ضحكتك فـي خيالـه لين اثمـرت شعـرٍ هزالـه حرايـر

لا تتركينـه فـي غيـابـك لحـالـه بالله شوفي كيـف هالطفـل صايـر
ووحده بوحده كـان عنـدك عدالـه اتبطّلـي غيبـه ... وابطّـل زقايـر





زمـــــــــان الدجـــــــى


بعد التعب عودت مثل أي أنسان
بانسى همومي مثل ماالناس ناسين

قعدت أقلب في الفضاء كوم بلدان
من شاشة لشاشة و لا أدري على وين

قلت أنبش هموم و كواليس الأوطان
و أشوف هالحين في ويش لاهين

أول قناة وفلم عن قصة أخوان
حبوا فتاة و فرقت بين الاثنين

ثاني قناة و وجه أو لوحة ألوان
من لبسها وش لبسها ربك يعين

ثالث قناة و رقص واضواء والحان
أجساد معروضة من يدين ليدين

رابع قناة شاب من بين نسوان
يشرح لهن بامعان عن موضة ألفين

خامس قناة و من صبايا بفنان
لا والله إلا زغردي يا فلسطين

سادس وسابع كلها حملة أعلان
ثامن و تاسع مثل باقي العناوين

عاشر قناة ومنظر يهز الأبدان
من شوفته ضاقت على دمعي العين

قبله وأنا تحت الأغماء بين جدران
حول الحطب وأقسى على البرد ويلين

و بعده وأنا تحت السماء فوق طوفان
وأحس في صدري سواة البراكين

منظر طفل دينه نسخ كل الأديان
مسلم يعرف الله قبل ينطق السين

منظر طفل مسلم من بلاد الأفغان
بين المطر والبرد والجوع والطين

عاري وخايف ؟؟؟؟؟ طفل عريان
في مثل عمره اندفن قبل يومين

جايع ومن كثر القناعة والايمان
يسكت ويقرا الحمد ويقول آمين

صوته عتاب ورعشة ايدينه احزان
و نظرة عيونه مثل طعن السكاكين

في قلب من له قلب مفعم بالايمان
وفي عين من له زمان الدجى عين

يا رب ياللي عندك الناس سيّان
تّجار وضعوف وعبيد وسلاطين

حنّا عبيدك وانت ياعالي الشأن
أدرى بخبث و غطرسات الملاعين

يارب تدحر كيد عُباد الاوثان
و تعز ناس همّها نصرة الدين



رســــــــــــالـــه

أقول : يمكن تنفرج في المقابيل
و لا ادري الا الأرض تحتي تهايل

و بعد التعب والهم والحط والشيل
توّي عرفت ان البخت كان مايل

مع ذاك ابو ذيك الرموش المظاليل
ذاك الغريب اللي عمل بي عمايل

جتني مراسيله تشبّ القناديل
و معها سؤالٍ جاوبته النحايل

يقول : ( كيف الحال بعد المراسيل ؟ )
و اقول ( مثل الحال قبل الرسايل )

عمر الكتابه ما تجيب المواصيل
ريّح مكاتيبك ترى الشك زايل

ان ما حصل همس وحنان وتعاليل
واعاتبك لين المح الدمع سايل

و اجلس اسولف عن زمان البهاذيل
و انسى السوالف لا نسفت الجدايل

كذا يصير الحب والوصل والليل
وكذا ادري انك ما نسيت الجمايل

اما كذا والا اترك الحظ للميل
واتركني فوق الارض تحتي تهايل




مقـــتــــطــــــافــــــ ــات




دورت لي شي احبه وقلت في بالي "..احب همي.." وقال القلب: روقنا!!
قلت ".. انت وش دخلك بحب غربالي..؟؟ اقل حاجـــه نمــوت ماتــفــــارقــنـــــا.."





جايز انك في غيابي تقلب الدنيا علي بس انا قبل اعرفك قالب الدنيا عليك


يمكن اكون انا اعز الناس في عيونك لكن انت والله اعز الناس في عيوني






يالحزن ليتك مثل دمعي تنزل لارقيت بس اعرفك لو مسحت الدمع تبقى مانمسحت






 


رد مع اقتباس
قديم 03-25-2012, 12:09 PM   #2 (permalink)
اصايل نجد
عضو ذهبي


الصورة الرمزية اصايل نجد
اصايل نجد غير متواجد حالياً

بيانات اضافيه [ + ]
 رقم العضوية : 173
 تاريخ التسجيل :  Dec 2010
 أخر زيارة : 05-14-2013 (12:30 AM)
 المشاركات : 1,831 [ + ]
 التقييم :  1030
افتراضي رد: أشعار فهد المساعد



اختيارك يعبر عن جمال ذوقك

وفهد مساعد شاعر

ويجبرك ان تقرا لقصائده فا كل قصائده رائعه وعذبه

وانا اقول ششككرآآ لأختيارك الجميييل



 


رد مع اقتباس
قديم 03-25-2012, 02:38 PM   #3 (permalink)
«ღ»كيمو الحنين «ღ»
عضو ذهبي
اللهم ارزقنا حسن الخاتمه


الصورة الرمزية «ღ»كيمو الحنين «ღ»
«ღ»كيمو الحنين «ღ» غير متواجد حالياً

بيانات اضافيه [ + ]
 رقم العضوية : 3295
 تاريخ التسجيل :  Feb 2012
 أخر زيارة : 03-07-2018 (11:27 PM)
 المشاركات : 1,163 [ + ]
 التقييم :  12
 الدولهـ
Saudi Arabia
افتراضي رد: أشعار فهد المساعد





و



 


رد مع اقتباس
 
إضافة رد

مواقع النشر (المفضلة)

الكلمات الدلالية (Tags)
أشعار, المساعد, فهد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
من أشعار أمرؤ قيس «ღ»كيمو الحنين «ღ» مجلس الأدب ( شعر ، نثر ، قصص ) 4 03-25-2012 05:08 PM
أجمل أشعار عبدالرحمن بن مساعد «ღ»كيمو الحنين «ღ» مجلس الأدب ( شعر ، نثر ، قصص ) 2 03-25-2012 05:04 PM
بعض أشعار ناصر القحطاني «ღ»كيمو الحنين «ღ» مجلس الأدب ( شعر ، نثر ، قصص ) 3 03-25-2012 02:27 PM
قصيدة تعبت اسولف لك .. للشاعر فهد المساعد مزاجي عالي إبداعات الأعضاء 21 05-07-2011 02:19 AM
قصيدة تعـآل للشاعر فهد المساعد ،، المــرعــود مجلس الأدب ( شعر ، نثر ، قصص ) 8 03-08-2011 02:23 AM


الساعة الآن 07:10 AM


Powered by vBulletin® Version 3.8.6
Copyright ©2000 - 2021, Jelsoft Enterprises Ltd
الحقوق محفوظة لمنتدى قبيلة عرمان الرسمي 2020م
HêĽм √ 3.1 BY: ! ωαнαм ! © 2010
 
 
 

SEO by vBSEO 3.6.0